ՀՀ դեսպանի այցը Իրան-Հայաստան առեւտրի պալատ եւ Սաթի ընկերութիւն

 
 
ԻԻՀ-ում ՀՀ արտակարգ եւ լիազօր դեսպան պր.Արտաշէս Թումանեանը սոյն թ. ապրիլի 13-ին, երկուշաբթի կէսօրւայ ժամին այցելեց Իրան-Հայաստան Առեւտրական պալատ եւ մտերմիկ զրոյց ունեցաւ պալատի նախագահ՝ պր. Ահարոնեանի հետ, ընթացիկ աշխատանքների եւ կողմերին հետաքրքրող հարցերի շուրջ: Այնուհետեւ վերջինիս ընկերակցութեամբ շրջեց նոյն շէնքում գտնւող «Սաթի» աւիաուղեւորութեան գործակալութեան եւ «Սաթի» բեռնափոխադրական միջազգային ընկերութեան, «Անդրէ» մսամթերքի ու «Թաւանզա» հայկական ընկերութիւնների տարբեր բաժանմունքները եւ ծանօթացաւ դրանց գործունէութեանն ու անձնակազմի հետ:
Յարգելի դեսպանը, ըստ երեւոյթին մտադիր է աշխատանքներն առաւել գործնական ու արդիւնաւէտ դարձնելու նպատակով համայնքային ներուժը համատեղելու, սերտ յարաբերութիւն ստեղծելու, հնարաւորութիւնները գնահատելու եւ խոչընդոտները վերացնելու համար սերտօրէն կապ հաստատել ազգային կառոյցների հետ՝ սփիւռք-հայրենիք կապերը տարբեր ոլորտներում աւելի ամրապնդելու եւ հնարաւոր միջոցները լաւագոյնս օգտագործելու եւ ծառայեցնելու ի նպաստ հայրենիքի:
 
 
«Յոյս» թիւ 191
18 Ապրիլ 2015
 

    Leave a Reply

    Your email address will not be published. Required fields are marked *